POTCH 1838 (Jonkvrouw Maroon)

Description

Potchefstroom is gestig op 22 Desember 1838 deur die Voortrekkers, en is die tweede oudste Europese nedersetting in die ou Transvaal. Die naam is afkomstig van “Pot” (vir Adries Hendrik Potgieter), “Chef” (die leier, Potgieter), en “Stroom” (die Mooirivier). Tussen 1848 en 1860 was Potchefstroom die hoofstad van die destydse Zuid-Afrikaansche Republiek (Z.A.R) en is die eerste skote van die Eerste Anglo-Boereoorlog daar afgevuur. Die Potchefstroomse Universiteitskollege (PUK) het ontwikkel uit die Teologiese Skool in Burgersdorp wat in 1869 gestig is, maar in 1905 na Potchefstroom verskuif is. Tydens die opening van die stadsaal in 1909 het Genl. Jan Smuts gesê dat Potch daarna moet streef om Suid-Afrika se grootste akademiese sentrum te wees, en vandaar die dorp se huidige leuse: “Stad van Deskundigheid”.