ORIGINAL JAN VAN RIEBEECK

“JOHAN ANTONISZOON VAN RIEBEECK”

Met sulke doopname was dit sekerlik ‘n redelike uitdaging vir die vele nasies en tale van die verskillende setlaars van die Kaap van Goeie Hoop in die 1600’s. Mens kan indink dat die uwe kommandeur kon gesê het: “Noem mij zomeer Jan”, en sodoende het die “Oorspronklike Jan” verseker dat ‘n tongknopery van historiese proporsies gesystap word.

“Johan Anthoniszoon van Riebeeck”

Jan van Riebeeck (21 April 1619 – 18 Januarie 1677), was ‘n amptenaar in diens van die V.O.C gedurende die 1600’s. Hy dien as leier van die vestigingsreis na die punt van Afrika wat sou ontwikkel tot die Kaap, en later, Suid-Afrika.  Hy dien as kommandeur van die nuwe kolonie aan die Kaap van Goeie Hoop tussen 1652 en 1662.

“Vijf Schepen”

Jan van Riebeeck se oorspronklike ekspedisie na die Kaap het bestaan uit vyf skepe – die Drommedaris, Reijger, Goede Hoop, Walvis en Olifant. Eersgenome drie skepe het vanaf Texel in Nederland vertrek op 24 Desember 1651 en het Kommandeur van Riebeeck die eerste voet aan wal gesit in die Kaap op 6 April 1652. Die Walvis en Olifant  se vertrek is ongelukkig vertraag en het  hul eers op 3 Januarie 1652 begin vaar, waar hulle na ‘n reis geteister met noodlot  Tafelbaai ingevaar het op 7 Mei 1652 om hule plek in die geskiedenis van die Kaap de Goede Hoop in te neem.

“Familie Wapen”

Van Riebeeck se familie wapen is 3 goue ringe op ‘n rooi skild, en is dit ook gebruik as deel van die seël van Kaapstad, wat die wapenskild gebruik het wat oor ‘n anker gemonteer is, waar die anker die Kaap van Goeie Hoop verteenwoordig.