Hugenote (Dames)

“DIE FRANSE HUGENOTE”

Met die herroeping van die Edik van Nantes in 1685, word protestantisme as onwettig verklaar deur Koning Louis XIV, met wydverspreide vervolging van Protestante in Frankryk.

Sodoende verlaat duisende geskoolde Hugenote met verskillende ambagte & talente hul geboorteland met die hoop om hul heil & vryheid van godsdiens in ander lande te vind.

Op daardie stadium doen Goewerneur Simon van der Stel ‘n beroep op die Here XVII van die V.O.C om die Franse Hugenote toe te laat om na die Kaap te kom (veral dié met kennis van landbou & wynbou), met die grootste immigrasie in wat plaasvind in 1688, waartydens plase in veral die Olifantshoek-streek aan hulle gegee is.

Olifantshoek sou later ‘De Fransche Hoek’ (oftewel ‘Le Coin Française’) word vanweë die groot hoeveelheid Franse immigrante, wat ‘n sterk invloed gehad het in die bevordering van wynbou in die Kaap van Goeie Hoop.

“Post Tenebras Lux” is Latyn vir “Lig na die donker” en was die leuse van die Reformasie van die Protestante in Europa, waaronder die Hugenote getel het. Hierdie leuse is ook aangebring op die ingang van die Hugenote Museum in Franschhoek.

Die “Hugenote Kruis” is skatryk aan simboliek en dien al vir meer as 300 jaar as kenteken van die Hugenote.

• Moderne snit t-hemp (indien jy onseker is, bestel dalk ‘n bietjie groter hemp)
• Gemaak van polikatoen materiaal, verskaf dit ‘n liggewig, gemaklike t-hemp wat perfek is om die hele dag te dra, maar ook meer duursaam, met die ekstra voordeel dat dit minder kreukel – so dit kan baie meer gedra en gewas word sonder enige tekens van verniel of krimping.
• Water gebaseerde verf word gebruik om die kunswerk op die bors ‘n vintage & sagte gevoel te gee.
• Beskikbaar in groottes: SMALL – 4XL.
• Trots vervaardig in Kaapstad, Suid-Afrika.

Steeds onseker? Klik HIER vir meer inligting