TANT MOSSIE SE BOEREDANS-AKADEMIE (Jonkvrouw)

Description

In die laat 1800’s, naby Waenhuiskrans, het Tant Mossie (sommige spekuleer dat sy dié Sarie Marais was) ‘n boeredans-akademie gestig ter bevordering van die kuns van sakkie-sakkie. As deel van die sosiale kalender van dié uitenemende akademie, is byeenkomste gereël wat Vrydagaande in die Waenhuiskrans Danssaal gehou is. Nie net was dit ‘n hoogtepunt van die kontrei se week nie, maar het dit die keurders van die Akademie die geleentheid gebied om nuwe talent te indentifiseer in die groter boeredans gemeenskap. Met die reuk van braaivleis en pap in die lug, met die konsertina wat huil en die kitaar se getokkel kon mens weekliks sien hoe die ouer garde oor die dansvloer seil, terwyl die jonger klomp hul eie, meer moderne blik gee op die tradisionele danspassies van hul voorouers.