RACHELTJIE DE BEER – Babatjie

Description

Racheltjie de Beer & haar familie het in 1843 getrek vanuit die Oranje-Vrystaat na die destydse Suid-Oos Transvaal opsoek na grond. Een aand het een van hul kalfies, Frikkie, verlore geraak en is ‘n soekgeselskap geloots waaraan Racheltjie (12 jaar) & haar boetie (6 jaar) deelgeneem het. Tydens die soektog het die twee verdwaal & het sneeu uitgesak op die vlaktes. Racheltjie het besef dat hul kanse om oorlewing skraal is, en het haar klere uitgetrek, dit vir haar broer gegee om aan te trek, en hom in ‘n uitgeholde miershoop laat klim, waarna sy voor die opening gaan lê het om die koue uit te hou. Die volgende oggend is die kinders gevind, maar Rachel het deur die nag verkluim en sodoende haar lewe vir haar broer opgeoffer. Of hierdie volksverhaal nou waar is of nie, is hierdie hemp ‘n huldeblyk aan diegene wat in onmenslike omstandighede merkwaardige dapperheid wys & opofferings maak vir hul medemens.

Wanneer jy van die dade leer / van menig dapp’re held / vergeet nie Racheltjie de Beer – Sneeuwitjie van die Veld! – A.G. Visser “Sneeuwitjie”