OUBOET SE WERKSWINKEL

“OUBOET SE WERKSWINKEL”

In 1989 is Suid-Afrika bekend gestel aan ‘n klomp kleurvolle karakters wat woon in die dorpie van Orkney, die Van Tonders, en hulle mannewales. Een van die karakters , Neels (“Ouboet”), die oudste van die Van Tonder kinders, was ‘n motorwerktuigkundige van beroep. Met sy groot drome, komieklike mannerismes & sê-goed soos “Howzit Pa!” en “Ook ma’ lêkke stupid” was dit altyd ‘n fees om hom op die kassie te sien – en wie kan ooit sy “Poeksie Woeksie se Worsie Wapsie is nog baie lief vir hom!” rympie vergeet! Die Van Tonders het Suid-Afrika vermaak net net vir die tyd wat “Orkney Snork Nie” tussen 1989 en 1992 op televisie was nie, maar word die jonger geslagte ook aan hierdie stukkie volksbesit voorgestel, en lag oud en jonk saam vir hierdie baie unieke reeks. Met hierdie ontwerp gee ons erkenning aan Ouboet, wat, alhoewel hy ‘n fiksionele karakter is, laat dit mens net weer besef hoe ryk & veelsydig Afrikaanse kultuur werklik is.