PIET RETIEF VERVOERDIENSTE

“PIET RETIEF”

Pieter (‘Piet’) Retief (12 November 1780-6 February 1838), was ‘n leier tydens die uittog van die Voortrekkers na die binneland. Met die oorname van die Kaap Kolonie deur Brittanje, het Retief in 1837 by die ekspedisie wat later as ‘die Groot Trek’ bekend sou staan, aangesluit. Retief se trekgeselskap was die grootste groep wat op een slag sou trek,  en was gemik op Natal. Hy is later as Goewerneur verkies van die ‘Vrye Provinsie van Nieu-Holland in Suid-Oos Afrika’, die nuwe staat wat hulle sou stig in die land van hul bestemming. Volgens sy gepubliseerde manifes was hul strewe om op ‘n vreedsame manier grond te bekom vir die vestiging van die Trekkers, asook om in vrede saam met die binnelandse gemeenskappe van die dag te leef.